Round Ten (Beatles Maniac)

Its thursday, off ko na naman, pero hindi dito natatapos ang araw ko kasi madami pa rin appointments na nagaabang sakin, yung mga tipong hindi ko nagagawa kapag may pasok ako..well, habang naghihintay ako ng oras dito, naisipan ko ilagay dito ang aking paboritong bandang foriegn. THE BEATLES (sssshhhhhhhh clap.clap.clap!)

Sa alam ng karamihan, eto ay binuo nila John Lennon, Paul Mcartney, Ringo Starr at George Harrison, pero nagsimula sila ng 5 piece members, wala pa nun sa kanila si Ringo Starr. Noon pa man eh siguro alam na nila na may chemistry sila, lalo na si John at Paul. dati kasing banda ni John eh yung The Quarry men..sa isang gig sila nagkakilala ni Paul, tumutugtog ang banda ni John nun, as usual covers ang pyesa nila. Alam ni Paul na nagkamali si John sa lyrics pero na impress sya kasi kahit ng kamali sya eh nagawan nya ng sariling version yung kanta na lalo pang gumanda. Dun nagsimula magbuo sila at pinasok ni Paul si George kasi may alam na guitarahin sya na hindi kaya nung dalawa, kung baga sa barkada namin kaya dati ni Ralph ang Halik ni Hudas(wolfgang) sa guitara pero ako di ko pa kaya..NOON.. ang Drummer nila nun ay si Pete Best na patay na din ata ngayon, di ko alam.. Nakita nila si Ringo sa isang gig, parang sila John eh Tito,Vic at Joey tapos sya ay si Dolphy..Ganun kabangis yun kaya gigil na gigil ang tatlo kunin sya, di nila alam si Ringo eh laging nanonood din ng gigs nila..Nung nakahanap sila ng butas palitan si pareng Pete eh inalok nila si Ringo pero syempre astig yung banda nya kaya di sya pumayag nung una kasi parang baduy nga daw sila para sa level nya. Nagkaroon ng transaction ngayon sa mga yun, ang deal nila eh kada sampa nya sa banda eh babayaran sya pero dapat ibababa nya rin yung buhok nya katulad ng hairstyle nung tatlo, syempre pera pera lang yan kaya ayun, game na sya. Di nya expect na ganun sisikat yung grupo kaya ng decide na din sya na magstay na sa kanila. Unang hit nila eh yung LOVE me DO na pinaka ayoko sa ginawa nilang kanta. Medyo ifafast forward ko na lang yung kwento kasi masyadong mahaba kung iisaisahin ko pa yun..basat Nameet nila si Bob Dylan, Tinuruan sila mag DOOBIE, naadik, nagiba ang tema ng tugtugan nila, pinasok ang iba't iabng genre,(sa kanila nakuha ni Jimmy Hendrix ang style na feedback ng guitara) nung tumanda na sila ng konti, dun na nagsimula ang pagbuo ng iba't ibang klase ng tunog na inienjoy natin lahat ngayon katulad ng reggae,r&b,punk,pop,alternative,phsycedelic at kung anu-anu pang music, sila din nag umpisa ng may tumutugtog na orchestra sa kanta nila..astig di ba?

Sobrang laki ng ambag nung mga ungas na yun sa buong mundo lalo na sa bayan nila, biruin mo naiangat nila ang economic status ng liverpool at ng buong england..

kung gusto mo pang malaman ang life story nila bumili ka na lang ng Beatles anthology kasi pagod na ako magtype eh. naisip ko lang ilagay yun kasi wala lang..wala kasi malagay eh..waheheheh

Round Nine (Damn Officemates)

Totoo ang lahat ng mga nakikita ko sa t.v. at pelikula na kapag may scene sa office, talagang hindi maiiwasang may mga salbaheng tao sa opisina na walang magawa kung hindi pagusapan ang ibang tao kahit walang ginawa sa buhay kung hindi pumasok at umuwi ng bahay pagkatapos ng trabaho. May isa akong kilalang dito sa amin na sobrang bait na tao, wala kang maririnig sa kanyang tsismis o anu mang paninirang puri sa ibang tao, gusto nya lang lagi pagusapan eh yung nangyari sa trabaho o di kaya yung patungkol sa pamilya nya.. Biruin mo may mga nasabi pa rin ang iba, for example, nadinig ko lang na naguusap sa kainan ang isang grupo, kung anu-ano ang mga sinabi nila sa tao eh mi hindi nga sila kinakausap nun, kakaawa tuloy sya kasi akala nya eh ok ang lahat ng tao sa paligid nya yun pala pinagpyepyestahan sya habang wala sya. Miski nga sa akin eh may nadidinig ako na nakakatawa kasi unang una hindi ako sensitive sa mga bagay bagay as long na hindi naapektuhan ang pangaraw araw na buhay ko. May nag sabi na hindi daw ako naliligo, ahahahah, aba eh totoo yun! di ba DAN? di nga lang nila alam kung ilang araw..ahahahah! Pero ang pinaka nakakawasak na nadinig ko about sakin eh yung mahirap daw ako, comedy talaga kasi parehas kami ng trabaho, parehas kami ng ginagawa pero sya mayaman? toink..haayy, kakabaliw, kaya ang sarap ng buhay banda eh di ko lang talaga pwedeng i-fulltime kasi di ako kaya buhayin pa ng banda, siguro in the future.

Napanood ko pala yung IP Man na film. yung story nung isa sa mga nagturo kay Bruce Lee ng matinding karate! hiya! Nakakatuwa kasi unang una true story sya then kung totoong nangyari yung mga fight scene sa pelikula ang lupit nun kasi napakasimple ng kung-fu style nya pero sya yung pinaka dangerous technique. punching bag ang mga mukhan ng kalaban..hiya! hmp! After kong manood nun naenganyo ako ng slight mag aral ng kung-fu! FUTA!

Round Eight (Up's and Down's)

Minsan talagang uulanin ako ng malas at swerte pero nakakbadtrip kasi minsan nga puro malas ang nangyayari sa araw ko, minsan, malelate na ako sa trabaho, ang dami delays na magaganap katulad ng nagkaproblema sa tubig namin na kailangan ayusin ang tubo para makaligo ako, mga tipong aalis na lang pabalik balik pa sa bahay kasi may nakalimutang gamit..tapos makakasalubong ka ng baliw sa daan na ikaw ang trip nyan burautin nung araw na yun, then pagsakay mo ng tricycle hindi pa puno kaya di makaalis, then kapag nasa sakayan ka na ng jip wala namang dumadaan na jip na papunta sa pupuntahan mo and the worst thing is kapag nakasakay ka na sobrang bagal ng driver at namamasahero pa sa mga walang pasaherong sasakay.ang matindi pa dito kung kelan nagmamadali ka saka may mga sagabal sa daan tulad ng prosisyon, santa cruzan, banggaan at kung anu-anu pang nakakapagpabagal sayo makarating sa tamang oras.

May ilang magandang pangyayari naman kahit papano ang dumadaan sa buhay ko katulad ng walang ka hasle hasle ang pagalis mo ng bahay, busog at fresh ka pagalis mo, madami kang pera sa bulsa kahit hindi mo alam kung bakit? napakabilis ng byahe at isang model driver ang tsuper ng jeep at pagbaba mo eh may magandang balitang dadating sayo katulad ng " pare, samahan mo ako dito, libre kita" ang saya di ba?

well marunong talaga ang kapalaran i-balanse ang buhay ng tao, nasa sa iyo na lang kung paano mo dadalhin at sasakyan ang mga pa trip ng buhay.

Round Seven (Draggy Sunday)

Sunday, medyo kakatamad na araw, netong mga oras na ito gutom na ako pero 12am pa lunch break ko, 8:09pm palang! haayy, kakatamad talaga tong araw na to, ayaw ko sana pumasok kaso sayang eh, tang inang mga agent yan nawala bonus ko sa may 15 payout..bwiset pero ok lang bilang na araw nila kasi sa next saturday wala ng epekto mga bad comments nila, it's pay back time na! ehehehe, kanina pala nagensayo kami nung bago kong banda, medyo ok naman kinalabasan ng jamming pero sobrang init dun kasi maliit ang kwarto at maiinit, kakatuwa lang eh kasi nung sinali nila ako sa banda nila sobrang shift sila ng genre, dati kasi sobrang prog. nila pero on my personal opinion di sila bagay dun, for PRO's na kasi yung mga ganung tugtugan kung baga ang gusto kong gawin nila eh "less is more" kaya yun masaya na yung mga music na nagawa nila. catchy pero di naman ganung baduy..ok di ba?

Nawala na pala pag-asa kong maging drummer ng UpDharmaDown, sayang kasi talagang nagpaalam na si ean (drummer) na di sya babalik ng matagal sa pinas at jajam lang sya sa Dharma kapag sobrang big gig, dati kasi before sya umalis naguusap usap na sila kung sino nga ipapalit sa kanya, ang gusto sana ni ean eh ako pumalit sa kanya pero maraming aberya na di ko na makwekwento pero reasonable naman kasi di nila ako pwedeng kunin dahil sa schedule ko sa work, unfair naman sa kanila kung ako susundan nila sa schedule ko at sino naman ba ako para sundin nila di ba? roadie lang ako nila. Pero astig siguro nun kung drummer nila ako nuh? saya kaya nun! yung nakuha nilang drummer eh galing sleepwalk circus, ok naman sya pumalo, nasa metro at di naman ganung nadadapa kumpara sa ibang jumam sa kanilang drummer. Sa tingin ko ang laking kawalan ni ean sa kanila..grabe ang magiging epekto nun kasi sya yung parang gumawa ng tatak Dharma eh.. sya ang gumagawa ng mga beats from fruityloop kung saan makikilala mo agad kung sila yung tumutugtog o hindi..malaking shift ang gagawin nila sa bagong drummer. Anu kaya mangyayari sa kanila ngayong wala na si ean? anu kaya magiging music nila?

Nung nakaraan nakapagkita kami ng isang barkada ko, naasar ako sa kanya hindi dahil sa may atraso sya sa akin kung di sa sobrang katangahan nya sa asawa nya, niloloko na sya harapan pero andun pa din sya, kasal sila ha pero grabe nyang ipagtabuyan ang barkada ko, minsan ayoko nang pagusapan yun kasi naiirita lang ako sa kanya at sa asawa nya, ilang ulit ko nang sinabi na wag mong pilitin ang ayaw, dahilan nya kung bibitawan nya yun sila magiging masaya samantalang sya iniwan sa ere, ang katwiran ko naman kung sila magiging masaya? bakit di mo gawin masaya din buhay nya sa iba? ang daming mas ok na chicks sa labas na hinding hindi ka lolokohin pero nagtyatyaga ka sa babaeng ganyan? sabi ko nga eh tuwing nakikita ko na sya, sobrang baho nya na kasi punong puno na ng tae yung ulo nya! sana magising na sya at ayusin ang buhay nya..hasle yun!

Sana bukas pagising ko magging ok naman ang simula ng linggo ko.

Oo nga pala, congrats ulit kay PACMAN kasi astig talaga nya at pinatumba ang pride ng britain na si HITMAN. waheheheh, galing talaga nya. Idol! 2 round knockout nga lang kaya di sya ganung ka exciting pero wala nang kasalanan si pacquiao dun kasi malay ba nyang ganun kahina kalaban nya? Who will be the next opponent? let's see pero sana si mayweather na..eheheheh

Round 6.5 (Eraserheads sa Buhay ko)

Pop-u
Ultraelectromagneticpop
Circus
Cutterpillow
Bananatype
Fruitcake ep
Fruitcake Album
Stickerhappy
Natin99
Carbonstereoxide

Yan ang mga alam kong linabas na album nila Ely,Buddy, Raimund at Marcus a.k.a. The Eraserheads! Medyo kulang pa yan kasi may mga nilabas silang single na di nakasama sa mga yan at yung iba limited edition lang. Pero anu ba ang relasyon netong mga to sa akin eh di naman kami magkakakilala personally?

Nagsimula yan nung bata ako (Wow, batang-bata!) Grade 4 ako nung naglabas na sila ng album galing sa BMG records yun ang ultraelectromagneticpop. Nanakaw nila ang atension ko dahil sa Pare ko na kanta, (dahil sa TANG-INA sa chorus)nakakagulat lang kasi sila lang ang una kong napakinggan na may ganun, nacurious ako kasi sa album ni ate jakki (sorry ate ako pala ang nakawala ng mga cassette mo ng pinoy bands) ng eheads parang tinatago nya pa kay Lola at ayaw patugtugin kapag andun si Lola, yun pala dahil dun eh magagalit yung Lola namin kapag nadinig yun (Hi Lola Mia!) So, ayun na nga, Pinatugtog ko sa Karaoke namin at nakuha na nila ang music sensibilty ko, dun na din ako naenganyong magaral ng drums, mula sa Easy ka lang hanggang sa Combo on the Run pinapatugtog ko palagi, araw araw, ngunit may pumalit bigla sa laman ng aming karaoke nung nilabas nila ang album na Circus, once again naaliw ako sa Punk Zappa no.1 kasi makulit eh, mula Bato hanggang Sa wakas walang humpay na pakikinig sa music ng apat..Dito na nagsimula akong magresearch ng mga gigs nila at history. Napaka Fan ako netong apat, Nung nalaman kong mga taga U.P. sila pinangarap kong mapasok dun sa kolehiyo, ayun nauwi ako sa AMA at UST..ehehehe

Mula nun inabangan ko na ang albums nila, madalas mid Sept or December sila naglalabas eh, kailangan namakupit ng todo-todo sa baon para makabili ng cassette album nila,nung lumabas ang Banana type nila, nagtaka ako kasi bakit tig dalawa lang ang kanta sa side A at side B? nun ko lang nalaman ang ibig sabihin ng EP..pati yung unang fruitcake na labas bakit tig dalawa lang eh yung 150php noon ang mahal na para sa akin! pero ok lang collection naman eh, nung highschool ako nagsimula ang crisis sa financial ng pamilya at kailangan na magkanya kanya at maglipat ng bahay, BADTRIP nasa skul ako nung nagliligpit sila kaya nagkanda walaan ang mga tapes ko ng Heads, natira sa akin yung The best of the 80's at yung album ng Tears for Fears na pinakikinggan ko lang eh shout at everybody wants to rule the world. Nasira ang collection ko at tinamad na akong bumili noon ng tape nila. Di ako nakabili ng Fruitcake na full album na, yung silver yung front ng album kaya kung ako tatanungin mo sa mga kanta nila doon, konti lang ang alam at napakinggan ko..as in konti lang...akala ko kakalimutan ko na ang eraserheads eh kasi mga pinakikinggan ko nun eh beatles, third eye blind, oasis at kung anu-ano pang bandang banyaga, nawala ang pa OPM kid ko.

Pero isang araw nung papunta akong SM foodcourt para magarcade, napadaan ako sa isang music store, nakita ko ang poster ng Natin99,biglang may umakyat na adrenalin sa katawan ko na parang gusto nang dumukot ng pera sa bulsa galing kay kuya sonny dahil bday ko kunwari..inalis ko ang mata ko dun at tumuloy sa paglalakad kasi ang nasa isip ko noon eh kapag ginastos ko ang natitirang pera ko nun eh wala na akong pambili ng token pang challenge sa xmen v.s. street fighter eh kailangan ko ng maraming token kasi medyo talunan ako dun, medyo lang (tang ina ka Dan at Prince babawi pa ako sa inyo!) pero ayaw talaga papigil ng silakbo ng damdamin ng pagbili at presto, may album na ako ng Natin99..parang isang relasyon na nagkabalikan pagkatapos ng matagal na di pagkikita. pumasok na sa tega ko ang mga kantang Maselang bahaghari, pop machine, peace together, sino sa atin, dahan-dahan at huwag kang matakot. Sarap ng feeling.

At ayun na nga tumuloy tuloy ang ligaya ko sa Eheads hanggang lumabas na din ang huling album nila ng Carbonstereoxide. Aminado akong medyo mabigat na tugtugan nila nun at konti na lang ang naging paborito ko dun pakinggan, Hula, Palamig, Playground at yung isa na nakalimutan ko na yung title.

Madami na akong pagkakataon mapanood sila ng live pero hindi pa sa isang planadong pagnood sa gig nila, eksaktong may tugtug sila sa hardrock makati, kaya plinano ko yung araw na yun, ang ganda kasi yung tugtug nilang yon eh yung una at huling pagkakataon nilang tumugtug na puro effects ang instrument nila (sa pagkakaalam ko sa mga gigs nila) si Raimund synth at sequencer, si Buddy keyboards, Marcus electric guitar with multi effects at si Ely guitara at voice changer. Tuwang tuwa ako sa napanood ko pero di ko alam yun na pala ang huli kong panood sa kanilang buo sila.

Next na panood ko sa Eheads eh si Kris na yung vocalist nila, medyo nakakadurog kasiyahan at madaming naglaro na tanong sa utak ko pero ayun na nga wala naman akong magagawa kung ayaw na ni Ely sa heads eh.

"Lumipas ang maraming taon..." may nagpalabas ng balitang marereunite daw sila, medyo tumibok ng bahagya ang puso ko sa magandang balita pero dinedma ko lang muna kasi wala pa akong nadidinig sa iba. pero umaasa ako na sana totoo.tinext ko si Dan na "Pare, may balita pero hindi pa confirm ha, may reunion concert daw ang heads?" sabi nya "Oo nga daw pero di pa confirm yun, pero kung magkatotoo tang ina manonood ako" hindi ko alam eh nagresearch ang loko.. biglang ng text sakin na "PARE! totoo pala! August 30 daw yung expected date pero wala pang confirmation sa venue!" sabi ko "Hindi nga? puta tignan mo kung kelan talaga puta ka! Buo na ang heads..once again!" sabi nya "Oo pare buo na ulit sila, tang ina nilang lahat!" at ayun mula sa first reunion hanggang sa final set nila di namin pinalagpas. Minsan natanong ko sa sarili ko na alam kaya netong apat na ang daming naapektuhan sa pagkalas at pagbuo nila ulit? After ng final set, isa lang ang pumasok sa isip ko..It's time to move on..Thank for the memories and music and Thanks in advance..they already have their own bands with their respective members and creating different projects. Thank you na lang sa kanila kasi kung hindi sa kanila hindi siguro ako musician.

Eraserheads is Dead but their music lives forever..

Round Six (Sabado Nights2)

Hay, dito nanaman sa trabaho at kasama ang mga palaging kasama sa hirap at hirap..mga katrabaho ko, medyo nananawa na nga ako sa mukha nila pero ok lang, walang masayadong happenings ang weekend ko kasi naglinis lang ako ng bahay at pinilit makatulog ng maayos, nahirapan ako magsulat ng kanta para sa isang banda ko (yung sinalihan kong banda na bago) kasi walang pumapasok na idea sa utak ko at the same time masarap humiga lang dahil naulan, pero syempre hindi ako pumayag na walang masulat kahit isa kaya piniga ko ang utak kok habang nagyoyosi at bwalah! ayan na ang kanta, badtrip nga lang kasi halatang sulat sa pilit...wehehehe

Sana magkaroon naman kami ng gigs, kating kati na ako magdrums sa harap ng tao eh..(waiting ka lang Dan pagnakaluwag lulunurin kita sa alak hudas!)..Yung S.O.S. medyo malabo pa rin sa vocalist, hindi ko alam kung magpapalit ba o pipilitin pahusayin ang ang vocalist sa kasalukuyan. Haay, stressful ang mga gago.

Badtrip natatagalan pa ako sa sahod, excited na ako kasi may bonus ako, wag lang sana maharang ni kumander..wahehehehe,balak ko sanang bumili ng iPOD, K na ride cymbals at nike naskater shoes (yung peke).pagnagkataon at may opportunity na dumating na medyo maganda ganda, ayan na masarap na paggastos..ehehehehe.

Remind me of your scent

Wala sana akong balak magpost ngayon pero naging interesado akong bigla kasi may dumaan ng girl sa likuran ko na yung amoy nya eh kasing amoy ng ex ko dati.

Bakit kaya ganun, ewan ko sa iba pero madaming akong naaamoy na merong pinapaalala sakin either lugar, tao, bagay, pangyayari at nakaraan sa buhay mo. Minsan kapag napapabisita ako sa ibang bahay, kapag yung scent ng bahay nila eh naamoy ko na dati, biglang nagflaflashback ang lahat..minsan sa mga nakakasalubong ko sa daan, kapag yung ginamit nilang pabango eh nagamit ko na dati bigla ko naaalala yung panahon na yun nung time na gamit ko pa sya, kadalasn mga naging GF ko ang naaalala ko kapag naamoy ko yung mga babaeng nakakasalubong ko (wala pala akong interest na amuyin ang lalake..pwe!) pero kapag may naamoy akong tuyong pawis scent isa lang naaalala kong kaibigan, alam na nila yun kung sino kasi broke sya. ehehehe peace pards!

well, ang sarap lang alalahanin ang lahat, balik-balikan ang mga panahon na nagpasaya sayo at bumuo sa pagkatao mo ngayon. Lahat siguro ng dumaan na bango sa at baho sa buhay mo eh naging parte ng hinaharap mong bukas. Siguro yung sariling mong amoy eh naklinya din sa ibang tao at tuwing naaamoy nila yun siguro biglang bumubungad ang mukha mo sa kanilang alaala.